Kryeministri në ikje i Bullgarisë thirrje Shkupit: Pranoni propozimin francez, ndarja nga Shqipëria do ishte e tmerrshme

Rajon | 4 vite më parë

Kryeministri në ikje i Bullgarisë, Kiril Petkov i ka bërë thirrje Maqedonisë së Veriut që të pranojnë propozimin francez për t’i dhënë fund ngërçit për integrimin në BE.

Ai u shpreh se nëse Maqedonia e Veriut dëshiron të zhvillohet, atëherë integrimi europian është përgjigjja, duke theksuar se propozimi francez është jashtëzakonisht i mirë për Sofjen.

“Do të ishte e tmerrshme nëse Shqipëria vazhdon procesin e anëtarësimit në BE dhe Maqedonia e Veriut mbetet jashtë saj. Në Maqedoninë e Veriut duhet të kuptojnë se nëse duan të zhvillohen, rruga evropiane është e vetmja rrugë për atë vend”, ka deklaruar Petkov.

Maqedonia e Veriut po përballet me protesta të vazhdueshme kundër propozimit francez, pasi sipas tyre nuk njeh gjuhën dhe historinë maqedonase./ BTA

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.