Mirdita është një zonë me potencial të jashtëzakonshëm turistik, por mungon identifikimi dhe promovimi i resurseve që ofrohen. Problematika bashkë në një tryezë diskutimi zyrtar të bashkisë, biznesin vendas dhe individët që operojnë në fushën e turizmit.

“Shtrirja e të gjithë operatorëve në të gjithë zonat e Mirditës, aty ku pikërisht janë këto zona turistike, do lehtësonte dhe mundësinë që turistet të vijnë dhe të kenë ambiente të rehatshme, të kenë ku mund të shëtisin”, tha kryetari i bashkisë Mirdite, Albert Melyshi.

Operatorët turistik thonë se interesi i turistëve për Mirditën po vjen gjithnjë në rritje, por duhet unifikimi i të gjithë aktorëve për t‘i dhënë zhvillim këtij sektori.

“Shpresoj që të jetë marrë një iniciativë dhe të na mbështesin me të gjithë mundësitë tona dhe të gjitha gjërat e turizmit që jep Mirdita”, tha Ermal Duka, Operator Turistik.

E pasur me bukuri natyrore, histori, kulturë dhe traditë, Mirdita është një mundësi e mirë eksplorimi, por krahas mungesës së promovimit problem mbetet dhe infrastruktura rrugore drejt destinacioneve turistike.

/RTS|H/