Shërbimi i fizioterapisë në Kukës, pacientët më të shumtë me probleme neurologjike dhe fraktura

Sociale | 3 vite më parë

Në kabinetin e fizioterapisë në spitalin rajonal të qytetit të Kukësit, u vu re një fluks i shtuar i pacientëve në 2 muajt e parë të këtij viti.

Sipas fizioterapistit Gerald Cengu janë pacientë të patologjive të ndryshme. Në repartin e fizioterapisë ka pasur raste goxha në rritje të patologjive të ndryshme. Raste kanë qenë si fraktura, probleme pediatrike, por edhe raste trauma sportive e deri tek moshat e treta.

Fizioterapisti jep edhe disa këshilla sidomos për moshat e treta.

“Pavarësisht se merr shërbim medicinal, në raste se mjeku sugjeron fizioterapi, duhet të praktikoni, sidomos moshat e treta. Sugjerojmë të kenë kujdes sidomos moshat e treta, të mos lëvizin shumë në terrene jo të sigurta.

Në vitin që lamë pas, në këtë kabinet morën trajtim 140 pacientë dhe u kryen 1800 seanca fizioterapike.

Gazetare: Irda Bajraktari

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.