Viti 2023 ka vijuar me raste të shtuara të zgjidhjeve martesore. Sipas avokatit Ardjan Bungaja, arsyet janë të ndryshme, por kryesore mbetet gjendja ekonomike.

“Ka shumë divorce që ne i shohim dhe shumë konfliktualitete. Kryesorja për konfliktet e tyre është gjendja ekonomike”, tha avokat Ardjan Bungaja.

Ajo që bie në sy është ulja e rasteve të dhunës në familje. Për avokatët ndikim ka pasur zbatimi rigoroz i ligjit, ku për çdo rast dhunuesit janë ndëshkuar me burg.

“Kanë vënë një rregull të cilin duhet ta zbatojnë dhe si rezultat i kësaj ka filluar të bjerë dhuna”, u shpreh avokati.

Mesazhi i drejtohet  familjeve që janë në proces divorci, por që kanë edhe fëmijë. “Mos ndikoni negativisht tek të vegjlit, mos i rrisni me urrejtje ndaj njërit prind! “,  është apeli që Bungaja u drejton çifteve

Në vitin që lamë pas, Gjykata e shkallës së parë, juridiksioni Shkodër, ka gjykuar 328 çështje me objekt zgjidhje martese, ku vetëm 8 prej tyre kanë  qenë me kërkesë të dy palëve.

/RTSH/