Dhjetori rrit çmimet/ Qytetarët ankohen për shtrenjtësinë, tregtarët për mungesën e blerësve

Sociale | 3 vite më parë

Në tregjet kryesore në Tiranë ku dhe produktet janë më cilësore ka pak blerës. Çmimet janë ato që i frenojnë. Dhjetori çdo vit ka një tendencë për rritur vlerën e produkteve ushqimore. Kjo zonjë merr vetëm gjysmë kilogram ullinj, dhe asgjë më shumë.

Vetë tregtarët pranojnë që fuqia blerëse ka rënë, ndonëse mundohen t’i grishin me oferta të ulura për fruta-perimet.

Tregjet brenda lagjeve të Tiranës kanë një tolerancë të lehtë në çmime, por edhe këtu për pensionistët produktet janë të shtrenjta.

Sa për gjelin e detit, simbolike të festës së fundvitit për disa çmimi është i papërballueshëm, pasi është më I shtrenjtë se në vendet e BE-së.

Të dhënat e fundit të INSTAT për muajin Nëntor tregojnë se inflacioni arriti në 3.9 %,ku rezulton se u shtrenjtuan ushqimet, bulmeti dhe qiratë, me afro 2.5 %.

Gazetare: Teuta Shamku

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.