Avancojnë punimet në hekurudhën Tiranë-Durrës, Rama publikon pamje

Sociale | 4 vite më parë

Vijojnë punimet për ndërtimin e linjës hekurudhore Tiranë-Durrës. Përmes një postimi në Facebook, kryeministri, Edi Rama ka ndarë pamje nga punimet, ndërsa bën me dije se është drejt përfundimit e gjithë traseja hekurudhore për vendosjen e shinave.

“Mirëmëngjes dhe me punën që vijon për hekurudhën Tiranë-Durrës me degëzim në aeroportin “Nënë Tereza” ku është drejt përfundimit e gjithë traseja hekurudhore për vendosjen e shinave, ju uroj një ditë të mbarë”, shkruan Rama krahas fotove.

Hekurudha 39 km e gjatë, do të lidhë Tiranën me Aeroportin e Rinasit në vetëm 12 minuta, ndërkohë që Tirana me Durrësin do të përshkohet për vetëm 22 minuta distancë kohore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.