Është rritur çmimi i qumështit të bagëtive në Lushnjë e Divjakë. Barinjtë tregojnë se ky çmim është rritur prej një jave në 150 lekë për litër. Janë baxhot e zonës të cilat grumbullojnë qumeshtin e deleve dhe të dhive nga blegtorët.

Nazmi Çoku nga Gërmenjçoku i Divjakes dhe Sulejman Disha nga Tërbufi, kanë tufë të imtash të cilët sot me këtë çmim ndihen të vlerësuar për punën e tyre. Ata thonë se ky çmim justifikon punën e deritanishme.

Çmimi i qumështit të të imtave dhe nënprodukteve të tij është rritur prej një jave dhe blegtorët paralajmërojnë se çmimi do të vazhdojë të rritet. Shkak është bërë rritja e çmimit të bazës ushqimore, por edhe mungesa e bagëtive. Kujtojmë se nje vit më parë është përgjysmuar numri i krerëve të bagëtive në Lushnjë, sepse blegtorët therën bagetitë pasi u gjendën në vështirësi për shkak të mungesës së subvensioneve.

/rtsh/