Për nxënësit që ulen për herë të parë në bankat e gjimnazit, tekstet kushtojnë më tepër. E gjithë paketa e librave, ku disa prej tyre përdoren edhe në vitin e dytë, siç janë matematika, fizika, biologjia dhe kimia, arrijnë vlerën e mbi 10 mijë lekëve.

Të shtrenjta janë edhe librat e maturës të cilat shkojnë mbi 6 mijë lekë ndërsa në varësi të lëndëve me zgjedhje mund të shkojnë edhe deri në 8 apo 10 mijë lekë, ndërsa tekstet e viteve të dyta kushtojnë deri në 6 mijë lekë.

Në krahasim me vitin që lamë pas, çmimi i teksteve është rritur rreth 500 deri në 1 mijë lekë më tepër për paketë.Për arsimin e mesëm, tekstet falas janë vetëm për disa kategori në nevojë. 

Ndërsa sa i takon arsimit të detyrueshëm, librat ofrohen të gjitha falas dhe sipas distributorëve të librit në qytetin e Korçës, bëhet me dije se aktualisht mungojnë vetëm 4 tituj të gjuhës së huaj frënge, ndërsa pjesa tjetër është siguruar dhe shpërndarë para nisjes së vitit të ri shkollor.

/rtsh/