Me nisjen e sezonit të verës janë shënuar rritje të udhëtarëve që përdorin portin e Durrësit si për të mbërritur në Shqipëri ashtu edhe për të dalë jashtë territorit.

Sipas të dhënave zyrtare, përgjatë kësaj fundjave u futën në territorin shqiptar 9,147 pasagjerë dhe 3, 270 mjete. Ndërkohë më i ulët është numri i daljeve nga vendi.

Rritja e numrit të udhëtarëve që kanë kaluar nëpërmjet portit të Durrësit u shënua edhe në muajin qershor ku nga të dhënat  u regjistruan 48,374 qytetarë ku 19,675 prej tyre u  regjistruan në dalje drejt porteve italiane, ndërsa 28,699 udhëtarë kanë hyrë në vendin tonë.

Sipas të njëjtave statistikave tragetet në 74 lundrimet e kryera përgjatë muajit qershor kanë transportuar dhe 19,507 automjete, kamionë dhe trailera.

Shifrat e udhëtarëve pritet të rriten më shumë gjatë këtij muaji, ndërkohë që në muajin gusht arrin piku i lëvizjeve, pasi shumë nga bashkëatdhetarët tanë që punojnë dhe jetojnë jashtë vendit, kthehen për të  kaluar pushimet në vendlindje.

/rtsh/