Banorët e kompleksit Jedas me Durrës kanë protestuar në lidhje me mënyrën se si po zbatohet projekti për riforcimin e pallatit të tyre në vazhdën e projekteve të rindërtimit dhe rikonstruksionit pas tërmetit shkatërrues të 26 nëntorit 2019. 
Banorët kanë nënshkruar një dokument duke i kërkuar institucioneve përgjegjës shpjegime se përse projekti nuk po zbatohet ashtu siç u prezantua në fillim. 
Banorët shprehen se nuk po bëhet asgjë për bërthamën e ndërtesës, shkallët dhe ashensorët.
Banorët kanë ngritur edhe shqetësimin e bonusit të qirasë. Për vitin 2021 janë kryer vetëm 10 pagesa gjithsej, ndërsa edhe muaji janar i këtij viti nuk është kaluar akoma në llogaritë e tyre, duke bërë që qeratë e tre muajve të fundit ti paguajnë vetë.
Sipas dokumentëve të tenderit afati i punimeve për riforcimin e këtij pallati ishte 20 dhjetori 2021, por tani nuk ka ndonjë date se kur banorët do të rikthehen në banesat e tyre.