Në Shkodër  u zhvillua  koncerti tradicional i fund vitit “Ndermendje”. Veprimtaria ngjiti në  skenën e teatrit Migjenin, elitën e artit shkodran.
Orkestra e qytetit  nën drejtimin e të mirënjohurit Jetmir  Barbullushit, këngëtarët më në zë të Shkodrës, të brezave të ndryshëm performuan në “Ndërmendjen” e këtij fund viti. Ajo perveçse  përmblodhi zhvillimet  dhe  krijimtarinë më të spikatur muzikore të një viti në Shkodër, vjen gjithashtu edhe si një kartolinë promovuese e resurve të Shkodrës.
“Ndërmendja” shkodrane e këtij fund viti, organizuar nga Bashkia e Shkodrës dhe teatri “Migjeni” erdhi edhe si homazh për personalitetet e artit dhe të kulturës që u ndanë  nga jeta  gjatë  këtij viti, si Paulin Preka , Fadil Kraja  e Kujtim Alija që ishte  edhe ideatori  dhe realizuesi e kësaj vepritarie që  zhvillohet në Shkodër prej më shumë se 20 vitesh.