Bllok i ri banimi për familjet që humbën shtëpitë në Manëz të Durrësit

Sociale | 5 vite më parë

Banorët e Manzës në Durrës, të cilët humbën shtëpitë nga tërmeti i 26 nëntorit 2019, do të hyjnë së shpejti në apartamentet e reja të ndërtuara me kushte bashkëkohore.

Kryeministri Edi Rama ndau sot pamje nga kantieri i rindërtimit të pallateve në Manëz.“Për pak optimizëm në këtë ditë të nisur fare mbrapsht me dy lajme të rënda, s’po ju pyes prapë tani po kjo ku është(?) por po ju informoj se ky është blloku i ri i banimit për familjet që humbën shtëpitë në Manëz të Durrësit”, tha Rama.

Përveç ndërtimit të pallateve, një tjetër kantier në kuadër të Programit të Rindërtimit në Manëz, është edhe ai për ndërtimin e 280 banesave individuale.

Në total, në gjithë bashkinë e Durrësit janë ndërtuar ose janë në proces 904 banesa individuale.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.