Paketat mjekësore falas, 5005 procedura kardiokirurgjikale në 9 muaj

Sociale | 5 vite më parë

Rreth 5005 procedura angiografi dhe angioplastikë, pjesë e paketës së Kardiologjisë janë kryer në janar-tetor gjatë 2021. Shifrat janë bërë të ditura nga Fondi i Sigurimit të Detyrueshëm të Kujdesit Shëndetësor (FSDKSH), ndërsa ky i fundit ka apeluar për kujdes ndaj zemrës.

“5005 procedura Angiografi Koronare, Angioplastikë Koronare, Angiografi/Angioplastikë dhe Pacemaker Definitiv janë kryer gjatë 9 muajve të 2021 në spitalet publike dhe private”, thekson FSDKSH.

Sipas FSDKSH, konkretisht janë kryer 302 Pacemaker Definitiv, 2193 Angiografi/Angioplastikë, 2336 Angiografi, 174 angioplastikë. Po ashtu, janë kryer 47 008 procedura që nga fillimi i këtij shërbimi në vitin 2014 me
100% financim nga FSDKSH.

Shërbimi i specializuar mjekësor, plotësimi i nevojave të çdo pacienti dhe financimi i paketave shëndetësore vazhdon pa ndërprerje me 100% financim nga FSDKSH. Paketa e Kardiologjisë është vetëm një prej 12 paketave shëndetësore që qytetarët e përfitojnë falas afër vendbanimit./ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.