Numri i rasteve të referuara të diskriminimit kundrejt zyrës qendrore në qytetin e Korçës ka qënë relativisht i lartë gjatë këtij viti. Specialistja e zyrës së komisionerit për mbrojtjen dhe diskriminimin  në qytetin e Korçës, Etleva Tare bën me dije se rastet e referuara kanë të bëjnë kryesisht me probleme të strehimit, punësimit, edukimit, etj. Nuk  janë persona vetëm të komuniteteve rome e egjiptiane por pranë kësaj zyre ka ankesa dhe kërkesa të ndryshme. Rasteve që Tare përmend, u është dhënë zgjidhje në bashkëpunim me Bashkinë dhe fondacione të ndryshme.

Ankesa të tjera ka pasur dhe për pagesën e kopshteve të fëmijëve të komuniteteve rome e egjiptiane, të cilët e përfoitojnë falas për vetë kushtet e vështira ekonomike që kanë.

Referuar rasteve të një viti më parë Tare thekson se këtë vit ka pasur një numër disa hërë më të madh, kjo e ndikuar nga pasojat ekonomiko-sociale që shkaktoi pandemia.