Pronarët e rinj duan ti besojnë skuadrën, Sarri drejt rikthimit

Angli | 2 vite më parë

Një lajm i bujshëm vjen nga “Corriere dello Sport” në lidhje me të ardhmen e Maurizio Sarrit. Dy ditë pas njoftimit për blerjen e Evertonit, familja Friedkins ka nisur të kërkojë një trajner të ri për të zëvendësuar Sean Mark Dyche, që ka grumbulluar vetëm një pikë në pesë ndeshjet e para të Premier League dhe të cilit i skadon kontrata.

I përfolur disa herë vitet e fundit për të marrë drejtimin e Romës, ish-trajneri i Lazios është një ide konkrete për të marrë drejtimin e Evertonit dhe mund ta gjejë veten në Premier League më shumë se pesë vjet pas përfundimit të aventurës së tij te Chelsea.

Të hënën, familja Friedkin siguroi tifozët e Romës se blerja e Evertonit nuk do të ndikojë aspak në përkushtimin ndaj klubit verdhekuq.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.