Chelsea fiton miqësoren në SHBA, Broja aktivizohet 28 minuta

Angli | 2 vite më parë

Ndonëse është në qendër të merkatos dhe pritet që të largohet nga Chelsea gjatë kësaj vere, sulmuesi shqiptar Armando Broja është grumbulluar nga trajneri Enzo Maresca në turin që “blutë” e Londrës po zhvillojnë në Shtetet e Bashkuara të Amerikës.

Sulmuesi kuqezi është aktivizuar 28 minuta në miqësoren që Chelsea fitoi 3-0 përballë meksikanëve të Club America në Atlanta. Broja është futur në fushë në minutën e 63-të, por nuk ka arritur që të gjejë rrugën e rrjetës.

Evertoni është ekipi që është më pranë sulmuesit shqiptar, pasi është i gatshëm të paguajë 22 milionë stërlina për të blerë kartonin e 22-vjeçarit shqiptar. Por për Brojën nuk mungojnë oferta edhe nga disa klube të njohura të kontinentit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.