Chelsea fiton derbin, 66 minuta në fushë për Brojën

Angli | 3 vite më parë

Chelsea merr fitoren e tretë radhazi në kampionat, pasi mposht në “Stamford Bridge” Fulhamin me rezultatin 1-0. Një gol i shënuar nga pika e bardhë e penalltisë në minutat e fundit të pjesës së parë nga Palmer ka vulosur derbin e Londrës.

Sulmuesi kuqezi Armando Broja ka nisur ndeshjen si titullar dhe ka qëndruar në fushë deri në minutën e 66-të. Ndonëse është përpjekur, sulmuesi shqiptar nuk ka arritur të gjejë rrugën e rrjetës, ashtu siç bëri në ndeshjen e fazës së parë kundër Fulhamit.

Pas këtij suksesi Chelsea ngjitet në kuotën e 31 pikëve, merr vendin e tetë në renditje dhe i afrohet zonës që të çon në Kupat e Europës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.