Spektakël golash dhe emocionesh në St. James’s Park, aty ku ku Manchester City mposhti Newcastle falë lojës së Kevin De Bruyne: gol dhe asistim në një total prej 25 minutash për belgun, i cili frymëzoi 3-2 dhe golin e fitores së Bobb. Ndeshja mori menjëherë një kthesë të papritur, një përplasje me Longstaff i kushton shtrenjtë Ederson, i cili përpiqet të qëndrojë në fushë dhe më pas ngre flamurin e bardhë pas shtatë minutash. Portieri në fakt kishte rrezikuar t’u jepte një gol Magpies, për shkak të dhimbjeve të forta dhe u zëvendësua nga Ortega. Manchester City nuk e humbi qetësinë dhe dominoi topin, duke krijuar raste të ndryshme dhe duke thyer bllokimin në minutën e 25-të me Bernardo Silvën.

Megjithatë, Magpies arritën të reagojnë duke përmbysur gjithçka me golat e Isak 35’ dhe Gordon 37’ duke e mbyllur fraksionin e parë në avantazh 2-1.

Në minutën e 68-të rikthehet Kevin De Bruyne dhe është menjëherë vendimtar. Goditja e saktë e belgut firmosi për 2-2 në minutën e 73-të, gjë që ktheu lojën, në fushë ishte vetëm City, me Rodri dhe Foden shumë pranë golit. Guardiola prezanton Bobb-in dhe i riu i Akademisë shpërblen zgjedhjen e tij në minutën e 90-të, shënon golin 3-2, duke përfituar nga asistimi ndriçues i De Bruyne.

Belgu është menjëherë vendimtar, me gola dhe asistim në 25 minutat e luajtura. Fiton Guardiola, i cili ngjitet në 43 pikë. Nga ana tjetër, Newcastle mbetet i dhjeti me 29 pikë.