“Vërtetë, Chelsea është bllokuar në operacionet e tregut të transferimeve, por Romelu Lukaku mbetet një pikë kryesore për ne”. Fjala e Thomas Tuchel. Trajneri i Bluve rikthehet të flasë për ish-sulmuesin e Interit, i cili sidomos pas penaliteteve të vendosura ndaj klubit të Stamford Bridge, kishte rihapur një derë tjetër për një rikthim të mundshëm te zikaltërit.

Në konferencën për shtyp për prezantimin e ndeshjes në shtëpi të Premier Ligës kundër Brentfordit, ish-trajneri i Borussia Dortmund u përpoq të hedhë pak dritë. “Situata është kjo, ju e dini, klubi nuk mund të blejë apo shesë lojtarë, por Romelu mbetet një element themelor për Chelsea. Plus ndihem veçanërisht i motivuar dhe i fokusuar në objektivat tona”.

Nuk ka të ashtuquajturën “dhimbje koke”? “Për momentin – tha Tuchel – nuk ka vend për pakënaqësi apo mendime të dyta. Për finalen e këtij sezoni ne të gjithë do të duhet të qëndrojmë në rrugën e duhur dhe ne kemi nevojë për çdo lojtar, 100%. Në këtë kuptim, unë e di se mund të llogaris plotësisht mbi Lukakun”.