Partizani, fitorja e parë në Ligën Unike

Basketboll | 3 vite më parë

Partizani ka marrë fitoren e parë në Ligën Unike “Shqipëri-Kosovë” në basketboll për femra, teksa në javën e pestë ka mundur në Vlorë, Flamurtarin, 55-51. Ka qenë një përballje rivalësh dhe me shumë emocione, por që në fakt në brendësi ka patur dhe gabimet nga të dyja ekipet.

Në periodën e parë, Partizani ka fituar 17-13. Skuadra e Eliverta Bujarit e ruan këtë avantazh dhe në të dytën, ndërsa në përfundim të pjesës së parë ka kryesuar 31-25. Pas pushimit, Flamurtari kërkon të reagojë, por vetëm ngushton shifrat pa arritur të dalë në avantazh. Në dhjetëminutëshin e fundit rezultati është barazuar për një moment, por Partizani krijon avantazhin duke fituar 55-51.

Po në Ligën Unike, Penza ka mundur Bashkimin, 66-62.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.