Së pari tensioni tipik i atyre që ndjekin një ndeshje futbolli, me polemika të lidhura, më pas fair-play i duhur për të qetësuar shpirtrat në tribuna në Doha, gjatë ndeshjes hapëse të Katarit 2022. As tre minuta nuk kishin kaluar dhe Ekuadori shënoi me Enner Valencian, heroi i ndeshjes. Gjyqtari Orsato tregoi mesfushën duke vërtetuar golin, por disa sekonda më vonë ai tërhiqet nga VAR, i cili nxjerr në pah një  pozicion milimetrik jashtë loje dhe anullon golin e avantazhit të amerikanojugorëve.

Një tifoz ekuadorian në tribunë proteston dhe qartazi imiton gjestin e parave, duke nënkuptuar një korrupsion të zyrtarëve të ndeshjes. Përgjigjet një tjetër tifoz i Katarit, duke e ftuar amerikano-jugorin të heshtë. Një episod që mund të jetë paralajmërues tensioni në tribuna, por që përfundon pak çaste më vonë, me dy “pretendentët” gati të shtrëngojnë duart dhe të pranojnë se fituesi është “më i miri”. Një mënyrë e mirë për të filluar Kupën e Botës nën flamurin e lojës së ndershme.