“Kam folur me Cristiano Ronaldo, do të shohim se çfarë do të ndodhë në fushë. Ai e di se do humbasë”. Leonardo Bonucci tashmë synon play-off-in e Kupës së Botës në mars për të fituar biletën për Katar 2022 dhe sulmon: “Dua t’u bëj një dhuratë fëmijëve të mi, ata nuk e kanë parë kurrë Italinë në një Kupë Bote”. “U thashë shokëve të mi se ditët që do të na ndajnë nga play-off-i do të jenë gjithnjë e më të mira – shtoi lojtari i Juventusit në mikrofonat e Rai Sport- Kur të takohemi sërish në mars jam i sigurt se ajo që ndodhi në vjeshtë do të shërbejë si një mësim dhe do të kemi dy shfaqje të shkëlqyera”.

“Kampionati Evropian? Gjithçka ishte e mrekullueshme, ne jemi të vetëdijshëm që kemi bërë diçka shumë të rëndësishme. Tani, megjithatë, e lëmë mënjanë të kaluarën dhe fokusohemi në angazhimet tona të ardhshme. Gjatë Kampionatit Evropian zbulova se e jetoj futbollin në një mënyrë ndryshe – shpjegoi Bonucci – Rënia pas asaj fitoreje ishte fiziologjike”.

Megjithatë, para ndeshjes eventuale kundër Portugalisë, do të duhet të kalohet pengesa e Pandev: “Itali-Maqedonia e Veriut në Palermo? Të shkojmë të luajmë në Siçili do të thotë shumë për ne dhe jam i sigurt që do të na presin shumë tifozë”.