Edhe pse duhen ende edhe 11 muaj deri në nisjen e Botërorit të futbollit Katar 2022, organizatorët kanë nisur shitjen e biletave për ndeshjet e futbollit që do të luhen aty. Ajo që bie në sy është fakti që çmimet e këtyre biletave janë shumë më të ulëta se ato të Botërorit të mëparshëm, Rusi 2018. Një lotari lejon spektatorët aspirantë ndërkombëtarë të blejnë bileta duke filluar nga 69 dollarë ose 61 euro, rreth një e treta më pak se ato të shitura për Botërorin 2018 në Rusi. Megjithatë, çmimi i një vendi për në finalen e madhe mund të arrijë në 1,607 dollarë ose 1,422 euro.

Organizatorët ende nuk kanë bërë të ditur se sa shikues do të mund të hyjnë në stadium për shkak të paqartësive që lidhen me Covid-19. Banorët e Katarit dhe punëtorët migrantë – trajtimi i të cilëve ka qenë një burim polemikash – mund të blejnë bileta për 11 dollarë, ose më pak se 10 euro. Tifozët që regjistrohen tani për ofertat e ndryshme, në varësi të faktit nëse preferojnë të rezervojnë për një ndeshje specifike, ndjekin një skuadër të caktuar ose rezervë sipas stadiumit, marrin pjesë në një short. Shorti i parë për këtë do të bëhet më 8 shkurt. Fituesit do të njoftohen më pas përpara datës 8 mars.