Cristiano Ronaldo ka premtuar që gjithmonë do të synojë më shumë pas tre golave të tij në ndeshjen kundër Luksemburgut në kualifikueset drejt Kampionatit Botëror, “Katar 2022”.

Ronaldo regjistroi hat-tric e 58 në karrierën e tij, të 10 për Kombëtaren e Portugalisë, në fitoren me rezultat të thellë 5:0 kundër Luksemburgut. Ronaldo gjithashtu arriti në kuotën e 115 golave në nivel kombëtaresh me Portugalinë.

“Një tjetër fitore, një tjetër hap drejt qëllimit tonë, një tjetër natë historike në mbrojtje të ngjyrave tona. Çdo gjë bëhet më e lehtë kur luajmë në shtëpi përpara tifozëve tanë që na përkrahi neve nga minuta e parë deri tek ajo e fundit”, tha Ronaldo per Radio One mëngjesin e së enjtes .

“Kam premtuar që gjithmonë do të kërkoj më shumë, e më shumë. Është në ADN time dhe në ADN tonë, nuk jemi inferior, ne kurrë nuk i ulim pritshmëritë tona dhe gjithmonë ecim përpara”, shtoi Ronaldo. Portugalia tani gjendet një pikë larg kreut të Grupit A, Serbisë, por me një ndeshje më pak.