Carlos Sainz do të mungojë në Çmimin e Madh të Arabisë Saudite në Formula 1, pasi do t’i nënshtrohet një operacioni sa më shpejt të jetë e mundur për të hequr apandesitin.

Këtë e konfirmoi skuadra e Ferrarit, e cila me një postim në Twitter zbuloi gjendjen e pilotit spanjoll, i cili u detyrua të largohej nga pista të mërkurën më 6 mars pas një shqetësimi. Piloti i Ferrarit do të zëvendësohet nga piloti rezervë Oliver Bearman i cili për këtë arsye nuk do të marrë pjesë në garat e Formula 2. Bearman është një produkt i Akademisë së Pilotëve të Ferrarit.

Ditën e djeshme, spanjolli kishte përfunduar i gjashti në provat e lira pas Leclerc-ut, por nuk ishte mirë për shkak të temperaturës dhe çrregullimeve gastrointestinale, deri në lajmet e sotme. Ferrari shpreson të rikuperojë Sainz për GP-në e radhës në Australi më 28 mars, por padyshim që situata do të vlerësohet dita-ditës pas operacionit.