2022 i Ferrarit ka nisur me testet e para në Fiorano. Sigurisht që nuk ka ardhur ende momenti i njëvendëshes së re, e cila do të prezantohet në 17 shkurt. Por të arritur një farë konfidencialiteti me ritmet e garave, ashtu si vitin e kaluar, pilotët, inxhinierët dhe mekanikët do të kryejnë brenda 4 ditësh, prova në pistën private të skuadrës. Protagonistë sigurisht që janë dy pilotët Charles Leclerc e Carlos Sainz, dhe kolaudatori Robert Shëartzman.

Të tre kanë përdorur njëvendëshen SF21 të vitit të kaluar. Leclerc do të zbresë në pistë të mërkurën, e një ditë më vonë Sainz. Për të dy testi do të jetë një rast për të rimarrë sërish kontaktet me skuadrën dhe procadurat e F1. Hera e fundit kur të dy pilotët janë ulur në timonin e një makine gare, kanë qenë testet e Yas Marina, të zhvilluara një javë pas garës së fundit të botërorit.

Atje ata provuan për herë të parë një makinë Hibride me goma 18 inç, në përgatitje për sezonin e 2022. Ai që ka kryer testet e para ka qenë kolaudatori i ri i Ferrarit, Robert Shëartzman, nënkampioni në fuqi i Formula 2, i cili ka drejtuar për herë të parë një Ferrari.