Hamilton skualifikohet nga “Gara Sprint”, do të niset i fundit

Formula 1 | 5 vite më parë

Lewis Hamilton do të nisë garën kualifikuese për Çmimin e Madh të Brazilit nga vendi i fundit në radhë, raundi i nëntëmbëdhjetë i sezonit të Formula 1. Piloti britanik, i cili përfundoi nën hetim mbrëmjen e së premtes për një parregullsi të DRS-së, në fakt u skualifikua nga Gara Sprint që do të nisë në orën 20:30 të ditës së sotme, e shtunë 13 nëntor, e vlefshme për dekretimin e renditjes së garës të së dielës. Shkelja e konstatuar ka të bëjë me pozicionin e elementit të krahut me DRS të hapur dhe shkel nenin 3.6.3 të rregullores teknike të FIA-s.

Nga ana tjetër, një sanksion prej 50 mijë eurosh për Max Verstappen, i cili nga ana e tij është bashkëpunëtor në shkeljen e rregullores. Piloti holandez i Red Bull-it, në fakt, preku krahun e pasëm të Mercedes-it, në kundërshtim me nenin 2.5.1 të rregulloreve sportive.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.