Brehme përjetësohet, futbolli gjerman humb heroin e yllit të

Sporte të tjera | 3 vite më parë

Andreas Brehme ka ndërruar jetë mbrëmjen e së hënës si pasojë e një arresti kardiak. Heroi i Gjermanisë në Botërorin “Itali 1990” ndërroi jetë në një klinikë pranë banesës së tij në Mynih në Ziemssenstrasse.

Sipas medieve gjermane mjekët kanë bërë ç’mos për ta rianimuar, por zemra e kampionit të botës kishte pushuar përgjithmonë.

63-vjeçari ishte njëri prej lojtarëve më kryesorë në Gjermani në vitet ’80-’90. Ai kishte lindur në Hamburg ndërsa karrierën si futbollist e nisi me Sarbryken dhe më pas e vazhdoi me Kaizerslautern (ku edhe shërbeu si trajner), Bajernin e Mynihut, Interin dhe Real Zaragozën.

Me Gjermaninë ai luajti 86 ndeshje ndërkombëtare ku shënoi plot 8 gola. Njëri prej tyre ishte më i rëndësishmi pasi ishte goli që i dha Gjermanisë titullin e tretë kampion bote në Botërorin e mbajtur në Itali.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.