Provoi të fuste kapsolla në stadium, proçedohet penalisht

Sporte të tjera | 3 vite më parë

Një person rreth moshës 41 vjeç është proceduar penalisht nga policia pasi ka transportuar me fugonin e tifozëve një sasi kapsolla plasëse. Qëllimi ishte për t’i futur në stadium gjatë ndeshjes së Superiores, Partizani-Kukësi. Personi në fjalë ishte drejtuesi i fugonit që po transportonte tifozët e skuadrës verilindore drejt kryeqytetit.

Policia bën me dije se gjatë kontrolleve në fugonin e tij janë gjetur një sasi me lëndë piroteknike (kapsolla plasëse) të cilat u sekuestruan në cilësinë e provës materiale. Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurori, ku nisi procedimi penal në gjendje të lirë për shtetasin A. M., banues në Tiranë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.