Volejboll Meshkuj/Sezoni i kuq i rrjetës shqiptare

Sporte të tjera | 6 vite më parë

Sezoni i rrjetës shqiptare është tërësisht i kuq, ndërsa në mbrëmjen e së martës, në sallën olimpike “Feti Borova”, Partizani është shpallur kampion në volejboll për meshkuj për herë të pesëmbëdhjetë.

3-0 në ndeshjen e tretë ndaj Erzenit, 25-18, 25-19 dhe 25-23, dhe 3-0 në ndeshje totale ndaj shijakasve, kurse skuadra e Ylli Tomorrit vijon të dominojë rrjetën shqiptare.

Medaljet dhe Kupën për skuadrën fituese i ka shpërndarë sekretari i përgjithshëm i Federatës Shqiptare të Volejbollit, Albens Vokopola, zëvendëspresidenti i Federatës Shqiptare të Volejbollit, Dashamir Brari, si dhe anëtari i kryesisë Ilia Vasili.

Kështu është mbyllur sezoni i rrjetës shqiptare me Partizanin fitues të Kupës së Shqipërisë dhe kampion në volejboll për femra e për meshkuj.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.