FIFA gjobit dhe pezullon Sane për tre ndeshje

Gjermani | 3 vite më parë

Leroi Sane nuk do të jetë pjesë e kombëtares gjermane të futbollit në tri miqësoret e radhës. Sulmuesi i Bajernit të Mynihut “paguan” shtrenjtë gjestin e bërë në miqësoren kundër Austrisë kur në minutën e 49’ goditi disa herë Filip Mvene.

Sipas Komisionit të Disiplinës pranë FIFA-s ylli bavarez është gjobitur edhe me 2700 euro. Ai humbet kështu dy miqësoret e marsit të Gjermanisë, e cila do të ndeshet me Francën dhe Holandën, si dhe takimin e radhës miqësor të programuar pak ditë përpara startit të Euro 2024.

Pas vendimit të FIFA-s, Federata Gjermane e Futbollit doli me një komunikim për mediat ku theksoi se vendimi i Komisionit të Disiplinës nuk ishte përfundimtar.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.