Flamurtari mposht Apoloninë, Kukësi përmbys Valbonën

Futboll Vendi | 2 vite më parë

Flamurtari fiton 3-1 sfidën përballë Apolonisë, merr suksesin e 4-t radhazi në kampionat dhe ngjitet në kuotën e 12 pikëve në tabelën e klasifikimit të Kategorisë së Parë, vetëm 1 pikë larg kryesuesve të Besës.

Nuk ka shumë histori sfida që u transmetua në RTSH 2. Vlonjatët zhbllokojnë sfidën me Ememe në pjesën e parë, ndërsa Oshafi dhe Pjeshka shënojnë në fraksionin e dytë të lojës. Fierakët “zgjohen” vonë dhe goli i Maksutit vlen vetëm për statistika.

Në ndeshjen tjetër të ditës në Kategorinë e Parë, Kukësi fiton me përmbysje 2-1 në transfertë përballë Valbonës. Tropojanët mbyllin pjesën e parë në avantazh falë golit të Mashit, por Beshiraj shënon 2 gola në pjesën e dytë dhe i dhuron fitoren Kukësit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.