Kategoria e Parë luan të shtunën javën e 30-të dhe të fundit të edicionit, ndërsa në Ballsh janë përgatitur për festën e titullit kampion. Madje, si në asnjë vend tjetër, tanimë Besa e Kavajës, që përgatitet t’i shmanget zonës së Play-out në Kategorinë e Parë, pranon të luajë në Ballsh ndeshjen e fundit. Kjo për të mos i prishur festën ballshiotëve dhe për të mos prishur miqësitë në një ndeshje që mund të vendosë shumë për fatet e kavajasve.

Sakaq Erzeni, që tashmë ka siguruar kalimin në Superiore, pret Besëlidhjen, që duket sikur e ka siguruar “mesin e artë” të renditjes. Tomori – Pogradeci dhe Maliqi – Burreli janë ndeshje që përcaktojnë skuadrën e vendit të gjashtë në renditje, që do të bëjë Play-off me skemën 3-6 dhe 4-5 prej nga ku do të dalë ekipi që do të përballet me të tetën e Superiores për një vend në elitën e futbollit shqiptar në sezonin 2022-2023.

Thuajse ndeshje thjeshtë për të respektuar kalendarin Apolonia – Vora, Shkumbini – Lushnja, apo në një farë mënyre dhe Butrinti – Turbina. Kështu Kategoria e Parë mbyll sezonin e rregullt, atje ku tashmë Bylisi dhe Erzeni janë në elitën e futbollit shqiptar.

JAVA XXX

Erzeni – Besëlidhja                ora 16:00

Besa – Bylis                           ora 16:00

Butrinti – Turbina                  ora 16:00

Tomori – Pogradeci               ora 16:00

Tërbuni – Korabi                    ora 16:00

Maliqi – Burreli                      ora 16:00

Shkumbini – Lushnja             ora 16:00

Apolonia – Vora                     ora 16:00