Kategoria e Parë po shkon drejt fundit të sezonit. Ditën e shtunë u luajtën të gjitha takimet e javës së 27-të. Bylisi automatikisht në Kategorinë Superiore. Skuadra ballshiote bëhet e para skuadër që prek elitën. Në “Adush Muça” ekipi drejtuar nga Jeton Beqiri fiton me shifrat 2-0 ndaj Tërbunit, por rezultati që e çoi në Superiore ekipin e Bylisit ishte ai i Erzenit dhe Korabit.

Shijakasit munden në transfertë nga Lushnja me rezultatin 1-0. Lagunarët i largohen disi zonës së ftohtë pas këtij suksesi. Në takimin Korabi-Apolonia zhvilluar në Peshkopi nuk ka fitues, 90 minutat përfunduan me shifrat 0-0. Në takimet e tjera, Burreli fiton ndaj Vorës me shifrat 1-0, ndërsa Butrintit i ikën fitorja nga duart vetëm në sekondat e fundit, pasi Mecja do të barazonte shifrat.

REZULTATET

Korabi-Apolonia 0-0

Pogradeci-Shkumbini 6-0

Turbina-Maliqi 1-0

Bylis-Tërbuni 2-0

Besëlidhja-Tomori 3-3

Besa-Butrinti 1-1

Burreli-Vora 1-0

Lushnja-Erzeni 1-0