Kategoria e Parë ka luajtur ndeshjet e javës së 25-të, ndërsa Bylis ka siguruar shkëputjen në kryesim. Ka ndodhur kështu, sepse ballshiotët kanë fituar 4-0 në “Adush Muça” ndaj Shkumbinit, kurse Erzeni është ndalur në një barazim pa gola në transfertën matjane. Për Bylisin kanë shënuar Babakar tre gola dhe Ivziku. Ndërkohë në një barazim pa gola, por pa ia rrezikuar vendin e tretë, është ndalur Korabi në shtëpi, 0-0 me Lushnjën.

Ajo që duhet theksuar është frenimi i Apolonisë në Cërrik, 1-2 ndaj Turbinës, kur për skuadrën e Sinan Bardhit kanë shënuar Veriu dy gola e për fierakët ka ngushtuar Krasniqi. Ka fituar Tomori në Sarandë, 2-1 ndaj Butrintit. Ndërkohë në ndeshje për shpëtimin nga rënia në Kategorinë e Dytë, Besëlidhja dhe Pogradeci kanë bërë mirë në fushën e tyre, teksa kanë mundur Maliqin 4-1 dhe Vorën 2-1. Java e 25-të përfundon të dielën me ndeshjen Besa – Tërbuni.

JAVA E 25-TË

2 PRILL 2022

Turbina – Apolonia                         2-1

Besëlidhja – Maliqi                          4-1

Butrinti – Tomori                             1-2

Korabi – Lushnja                             0-0

Pogradeci – Vora                             2-1

Burreli – Erzeni                                0-0

Bylis – Shkumbini                            4-0

3 PRILL 2022

Besa – Tërbuni                                 ora 15:00