Manaj rikthehet nga dëmtimi me dy gola

Rajoni | 2 vite më parë

Rei Manaj ka lënë pas dëmtimin dhe është rikthyer me dopietë në ndeshjen e sotme ku Sivaspor ka mundur 3-2 ekipin e Hatajaspor.

Manaj shënoi në fundin e pjesës së parë në të 43’ golin e parë. Ndërsa në minutën e dytë shtesë të këtij fraksioni miqtë barazuan falë Rivas.

Goli i pësuar në fund nuk u metabolizua mirë nga skuadra e Sivaspor, e cila pësoi edhe një tjetër gol në të 62’ (Kalvo).

Për të rifutur në shina ekipin mendoi përsëri Manaj, i cili shënoi golin e barazimit dhe të dytin personal në minutën e 73’.

Gjashtë minuta më pas ishte Kamara, ai që shënoi golin e fitores për Sivaspor.

Pas 9 ndeshjesh skuadra e Manaj ndodhet në vendin e dhjetë në klasifikim me 11 pikë ndërsa Hatajspor nuk i largohet vendit të parafundit (18) në kuotën e tri pikëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.