Valon Berisha rikthehet në Austri, kosovari firmos me LASK

Futboll Bota | 3 vite më parë

Mesfushori kosovar Valon Berisha është zyrtarisht një lojtar i LASK Linz. 30-vjeçari ka firmosur një kontratë deri në 30 qershor të vitit 2026 me klubin austriak.

Bëhet fjalë për një rikthim të Berishës në kampionatin austriak, pasi më parë ai ka veshur edhe fanellën e Salzburgut për 6 sezone dhe më pas u transferua në kampionatin italian te skuadra e Lazios.

Aktualisht mesfushori ishte pa skuadër, pasi kishte prishur kontratën me Reims, ndërsa aventura e fundit në fushë ishte në Australi me Melbourne City, ku ishte huazuar nga klubi francez.

Një eksperiencë e re nis për Berishën me fanellën e LASK Linz, që synon titullin kampion këtë sezon në Austri (aktualisht është 7 pikë larg kryesuesve të Salzburgut).

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.