I pafat Ansu Fati, dëmtohet sërish lojtari i Barcelonës

Spanjë | 2 vite më parë

Sërish probleme për Ansu Fati. Lojtari i Barcelonës është ndalur sërish për shkak të një problemi fizik gjatë stërvitjes së sotme. 22-vjeçari pësoi një dëmtim në kofshën e djathtë dhe do të duhet të qëndrojë larg fushës së blertë për katër javët e ardhshme.

Nuk është hera e parë që Ansu Fati pëson një dëmtim në atë zonë të këmbës. Në fakt, vitin e kaluar te Brighton ai pësoi të njëjtin dëmtim dhe qëndroi jashtë fushës për më shumë se dy muaj.

Ky është dëmtimi i dytë që pëson Ansu Fati këtë sezon. Ai pati një problem me shputën e këmbës, gjë që e pengoi të fluturonte me shokët e tij në Shtetet e Bashkuara për turin përgatitor. Tani një pengesë e re për një lojtar me talent të madh, por që ka treguar se është shumë i brishtë, si dhe i pafat.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.