Disa tradita në Barcelonë duket se do të zgjasin: Raphinha u frymëzua nga Lionel Messi dhe befasoi shokun e skuadrës, Lamine Yamal me një iPhone prej ari, me vlerë 10,000  stërlina.

Sukseset personale janë për t’u festuar dhe kështu Raphinha – që aktualisht mban shiritin e kapitenit të Barcelonës – i dhuroi një telefon luksoz Yamalit në shenjë njohjeje për arritjet e tij. Braziliani e ka trajtuar edhe veten me një aksesor të ri luksoz, siç e tregojnë fotot e publikuara nga marka IDG.

Një burim zbuloi se disa yje të Barçës morën dhurata unike nga I Design Gold: “Raphinha i prezantoi Yamal-it iPhone-in prej ari kur ata ishin bashkë, dhe ai ishte i kënaqur me të. Ishte një shenjë e miqësisë së tyre si brenda dhe jashtë fushës, dhe iu dha pas ceremonisë së Topit të Artë, ku mori trofeun Kopa. Raphinha e kishte bërë telefonin posaçërisht për Yamal nga I Design Gold, duke e përshtatur atë sipas të gjitha preferencave të tij dhe me emrin e tij të gdhendur në anën e pasme”.