Telenovelës Dani Olmo duket se i ka ardhur fundi…. Barcelona, ​​siç raportohet nga mediat spanjolle, do të ketë dritën jeshile nga La Liga për të regjistruar blerjen e re, falë dëmtimit të Andreas Christensen, kostoja buxhetore e të cilit, sipas rregullores, mund të përjashtohet për katër muaj duke filluar nga dita në të cilën raportohet lëndimi. Prandaj, klubi Blaugrana do të jetë në gjendje të përdorë 80% të tarifës së mbrojtësit danez për të regjistruar Olmon deri në fund të vitit.

Megjithatë, ka një mister që ka të bëjë me gjendjen e Christensen: Barça do të kishte paraqitur raporte mjekësore në La Liga duke vërtetuar një mungesë 4-mujore për shkak të problemeve me tendinën e Akilit, ndërsa sipas agjentëve të lojtarit dëmtimi do të ishte më pak i rëndë dhe mbrojtësi duhet të rikuperohej për rreth një muaj.

Fakti është se, për momentin, Dani Olmo do të mund të debutojë rregullisht me fanellën e Blaugranas të martën, kundër Rayo Vallecano.