Fitore shumë e rëndë për mënyrën se si u arrit. Barcelona, me 10 lojtarë dhe me një gol të pësuar, arriti të reagojë dhe të përmbysë 2-1 Osasunën, e cila nga ëndrra e vendit të tretë gjendet në vendin e gjashtë me 23 pikë. 0-0 zgjat vetëm 6 minuta, në skenë ngjiten dy Garcia: këndorja e Ruben dhe goditja me kokë e David që mposht ter Stegen, me Barcelonën që rikthehet të pranojë goli pas katër ndeshjeve. Pas gjysmë ore, loja ndryshon më tej: Leëandoëski, i paralajmëruar, ndërhyn ndaj David Garcia, merr kartonin e dytë të verdhë dhe lë në dhjetë formacionin e Xavi.

Pavarësisht inferioritetit numerik, katalanasit prekin barazimin, por finalizimi i Ferran Torres anullohet për pozicion jashtë loje. Megjithatë, 1-1 vjen në minutën e 48-të falë Pedri, i cili merr topin në zonë pas devijimit së David Garcia dhe barazon rezultatin, 1-1.

Pas paradës së ter Stegenit ndaj Moi Gomez, vjen episodi që përmbys komplet ndeshjen: pasimi i de Jong për Raphinha, i cili nuk gabon në minutën e 85-të. Në finale, Barcelona reziston dhe fiton 2-1. Fitorja e pestë radhazi dhe Reali në -5, në pritje të angazhimit të njerëzve të Ancelottit në Bernabeu me Cadizin.