Barça dhe Dembele, tension i lartë: Xavi përjashton lojtarin

Spanjë | 5 vite më parë

Përplasja mes Barcelonës dhe Ousmane Dembelé, të cilit i skadon kontrata në qershorin e ardhshëm me blaugranat, situata është e ndezur. Ditët e fundit, klubi katalanas dhe trajneri Xavi i kanë kërkuar sulmuesit francez që të vendosë për të ardhmen e tij dhe ndoshta të rinovojë menjëherë kontratën me katalanasit, por pa harruar dhe mundësinë që ekziston për ta shitur në janar.

Megjithatë, Dembelé dhe agjenti i tij nuk po nxitojnë të përcaktojnë të ardhmen e tij dhe, si kundërpërgjigje, Xavi e ka përjashtuar francezin nga skuadra për ndeshjen jashtë fushe të Kupës së Mbretit me Athletic Bilbao, të planifikuar për sonte në orën 21:30 për fazën e 16-të. Juventusi, shumë i interesuar për Dembelen, mbetet në dritare, gati për ta marrë lojtarin deri në mbylljen e merkatos së transferimeve dimërore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.