Në një intervistë të gjatë që ‘AS’ e publikon si në gazetat print, ashtu edhe në edicionet online, Carlo Ancelotti bën një bilanc të sezonit të tij në krye të Real Madridit, i cili duket tashmë në rrugën e duhur drejt fitores në La Liga. “Reali ka talent dhe skuadër cilësore, trajneri duhet të japë besim. Detyra e stafit të trajnerëve është të gjejë ekuilibrin e duhur mes lojtarëve të rinj dhe veteranëve, një objektiv që e kemi arritur. Por tashmë kemi gjetur një grup që vitin e kaluar kishte prekur titujt. Premtimet? Mund të them vetëm se Reali do të garojë deri në fund. Po bëjmë mirë, kemi bërë shumë pak gabime deri më tani, duke humbur vetëm dy ndeshje në një periudhë në të cilën kemi pasur mungesa të rëndësishme”.

Kur stërvitja të rifillojë më 29 dhjetor, Ancelotti do të gjejë Rodrygo, David Alaba, Gareth Bale, Marcelo dhe Davide Ancelotti, djalin dhe ndihmësin e parë të trajnerit, negativ në testet e fundit të kryera. Duke thënë se “Blancos janë një klub ndryshe nga të tjerët, ata konkurrojnë për ADN-në e tyre, këtu është detyrimi për të fituar”, Ancelotti thotë se sekretet e supremacisë së Realit janë më shumë se një: “Nuk kam parë kurrë një tejmbushje te një lojtar si Vinicius, i cili është përmirësuar shumë sepse i bën gjërat me më pak nxitim se më parë. ‘Vini’ dinte të bënte gjërat e vështira dhe i mungonin ato të lehtat, tani i duhet më shumë kohë për të bërë ato të lehtat, dhe ai është duke bërë mirë”.

Pastaj është Benzema: a është ai sulmuesi më i mirë në botë? “Unë mendoj se po – përgjigjet ish-mesfushori i Romës – sepse ai i ka shtuar një qëndrueshmëri të madhe futbollit dhe aftësive të tij. Ai ka po aq rregullsi sa Cristiano Ronaldo apo Haaland. Benzema është ai që bën diferencën dhe është në formë spektakolare”.

Megjithatë, duhet nënvizuar edhe një faktor tjetër: “Casemiro, Modric dhe Kroos formojnë repartin e mesfushës më të mirë në botë”, nënvizon Ancelotti. “Modric kujdeset shumë për veten. Stërvitja, dieta – shpjegon ai – futbollistët aktualë, edhe nëse ka më shumë ndeshje, mund të luajnë për një kohë të gjatë. Lojtarët që arrijnë moshën e Modric, Cristiano Ronaldo apo Ibrahimovic kanë merita të mëdha, sepse ata kanë qenë shumë profesionistë. Edhe Kroos dhe Benzema mund të arrijnë 40 vjeç duke luajtur në nivele të larta”.

Pastaj ka lëvdata për Camavinga: “Ai ka cilësi dhe fuqi të pamasë, vetëm duhet të fitojë përvojë”. Por a do të synojë Reali edhe Ligën e Kampionëve të katërmbëdhjetë? “Ajo që mund të premtoj është se Real Madridi do të jetë atje deri në fund – përfundon Ancelotti – nuk ka asnjë favorit të qartë për këtë kompeticion. Bayern, Liverpool dhe Psg janë po aq të mirë sa ne ose Atletico Madrid, të cilët do të thonë fjalën e tyre. Skuadrat spanjolle luajnë futboll të mirë, mund të arrijnë deri në fund”.