Dëmtimi i Pikesë, mjekët flasin për 4-6 muaj

Spanjë | 6 vite më parë

Barcelona ka humbur në Madrid ndaj Atletikos të shtunën në mbrëmje. Por humbja 1-0, nuk ishte lajmi i vetëm i keq i mbrëmjes. Gerard Pike është larguar nga fusha pjesën e dytë duke çaluar, pas një përplasjeje të fortë me Korean. Natyrisht që është shumë shpejt për të përcaktuar gradën dhe natyrën e dëmtimit, por mjekët e Barcelonës kanë hedhur hipotezat që dëmtimi do ta mbaj mbrojtësin e Barcelonës nga 4-6 muaj jashtë fushave. Madje, Pike nuk është kthyer me shokët e tjerë të ekipit në Barcelonë, por ka qëndruar në Madrid, sepse mjekët kanë kërkuar që të bëhen ekzaminimet e duhura para nisjes në Barcelonë. Flitet për gjurin e djathtë dhe një tërheqje e brendshme.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.