Tragjedi në Superbike Brazil, ndahet nga jeta piloti 9-vjeçar

Sporte të tjera | 2 vite më parë

Argjentinasi Lorenzo Somaschini u rrëzua në Interlagos, Brazil, të premten e kaluar, gjatë provave të lira të “Juniors Cup”: ai u shtrua menjëherë në spitalin Albert Einstein në Sao Paulo, por nuk mundi të mbijetonte.

Piloti i vogël argjentinas, Lorenzo Somaschini, 9 vjeç, vdiq pas një aksidenti në pistën Interlagos në Sao Paulo. Ai u rrëzua gjatë provave të lira të “Juniors Cup”, një kategori që është pjesë e Superbike Brazil, të premten e kaluar në Interlagos. I shtruar në spitalin Albert Einstein në Sao Paulo, ai nuk ishte në gjendje t’i mbijetonte plagëve të marra.

“Të gjithë anëtarët e ekipit të SuperBike Brasil janë të tronditur nga ajo që ndodhi dhe shprehin ngushëllimet e sinqerta për të gjithë familjen dhe miqtë e Lorenzo”, kanë ngushëlluar organizatorët e eventit me anë të një njoftimi zyrtar.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.