Nora Gjakova e argjendtë në Grand Slamin e Bakut

Sporte të tjera | 3 vite më parë

Për Kosovën ka qenë një ditë e madhe në disiplinën e xhudos. Nora Gjakova ka fituar dy ndeshje radhazi në kategorinë deri në 57 kilogramë.

Në çerekfinale sportistja nga Peja u ndesh me serben, Marica Perisiç. Në këtë përballje, xhudistja kosovare ishte e papërmbajtshme duke mposhtur Perisiç dhe duke siguruar gjysmëfinalen.

Sfida e radhës për Gjakovën ishte përsëri madhështore pasi e fitoi edhe pse kishte përballë një sportiste mjaft të fortë siç ishte Julie Beurskens.

Triumfi i dytë i lejoi Gjakovës që të shkonte në finale ku duhej të ndeshej me kanadezen Christa Deguchi. Ky takim nuk u zhvillua pasi xhuidistja dardane u tërhoq për shkak dëmtimi. Gjakova mbyll kështu me medalje të argjendtë Grand Slam-in e Bakut.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.