Atletika në zi, Benjamin Kiplagat vritet në Kenia

Sporte të tjera | 3 vite më parë

Atleti nga Uganda Benjamin Kiplagat është gjetur i vdekur mbrëmjen e djeshme në një makinë në periferi të qytetit Eldoret, qytet në Kenia ku ndodhet qëndra stërvitore më e madhe në Afrikë, që konsiderohet si kryeqyteti botëror i maratonomakëve. Sipas “Uganda Daily Monitor”, atleti ka gjetur vdekjen pasi është qëlluar me thikë.

Kiplagat kishte përfaqësuar Ugandën në garën e 3000 metrave me pengesa në Olimpiada dhe në Botërorë. Ai kishte arritur të kualifikohej deri në gjysmëfinale në garën e 3000 metrave me pengesa në Olimpiadën e Londrës, ndërsa kishte përfaqësuar vendin e tij edhe në Rio 2016.

“Bota e atletikës është e shokuar dhe e tronditur nga vdekja e Benjamin Kiplagat. Ngushëllimet më të sinqerta për familjen, shokët dhe të gjithë atletët”, shkruhet në një postim në rrjetet sociale të federatës botërore të atletikës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.