Lajmi ishte në ajër prej disa javëve e tani është zyrtar. Shtetet e Bashkuara nuk do të pengojnë më udhëtarët që nuk janë vaksinuar kundër Covid-19.

Kjo do t’i lejojë Novak Xhokoviçit të marrë pjesë në US Open, Grand Slami i fundit i vitit, i programuar për t’u zhvilluar në 28 gusht. Tenisti serb ka humbur shtatë turnetë amerikanë nga viti 2022 dhe deri tani gjatë 2023-shit.

Ai u detyrua të mungojë në Indian Wells dhe Miami javët e fundit, por do të ketë mundësinë të luajë në US Open. Kufizimet për të pavaksinuarit do të përfundojnë më 11 maj, siç komunikohet në shënimin zyrtar të lëshuar nga Shtëpia e Bardhë. Këtë vit ai u ripranua të luajë në Australi pas dëbimit të vitit të kaluar dhe mori trofeun në Melburn.

Kush e di nëse do të mund të fitojë këtë vit US Open, pas humbjes së pësuar në finalen e 2021 nga Daniil Medvedev në Flushing Meadows. Por hapi i radhës për Xhkoviçin është Roland Garros, i planifikuar për të nisur në 28 maj.