Më 22 gusht, në Londër, do të zhvillohet dueli i madh i peshave të rënda në boks mes britanikut Dillian Whyte dhe rusit Alexander Povetkin. Për britanikun kjo është një sfidë e rëndësishme, pasi i duhet fitorja për të konfirmuar mandatin e dhënë nga WBC-ja, për të dueluar më pas për titullin kampion bote të këtij Divizioni.

Për këtë arsye, WBC ka vendosur që sfida mes Whyte dhe Povetkin të jetë e vlefshme për “WBC Diamond Belt” (gjerdanin e diamantë), për t’i dhënë më shumë rëndësi kësaj përballje.

“Kjo do të jetë një sfidë e rëndësishme dhe pres një duel të fortë në ring. Ndaj dhe WBC vendosi të japë një gjerdan të veçantë, pasi të dy boksierët e meritojnë një status të tillë, të duelojnë për “gjerdanin e diamantë). Ata janë heronj, janë stërvitur në kushte të vështira për shkak të pandemisë”, tha Mauricio Sulaiman, presidenti i WBC-sw.