Fiona Papajorgji zgjidhet kryetare e Gjykatës Kushtetuese, zëvendëson Holta Zaçajn

Aktualitet | 11 muaj më parë

Me votim unanim, Fiona Papajorgji është zgjedhur sot në krye të Gjykatës Kushtetuese, duke marrë detyrën që më parë mbante Holta Zaçaj.

Papajorgji do ta drejtojë Gjykatën Kushtetuese për një mandat 3‑vjeçar, ashtu siç parashikohet nga ligji për organizimin dhe funksionimin e këtij institucioni.

Ajo ishte e vetmja kandidate në garë dhe mori mbështetjen e të gjithë anëtarëve të trupës gjykuese.

“Mbledhja e Gjyqtarëve të Gjykatës Kushtetuese zhvilloi sot, më 18 dhjetor 2025, seancën për zgjedhjen e Kryetarit të ri të Gjykatës Kushtetuese. Në përfundim të procesit të votimit, në bazë të parashikimeve ligjore, Mbledhja e Gjyqtarëve të Gjykatës Kushtetuese, me vendimin nr.14, datë 18.12.2025, zgjodhi njëzëri zonjën Fiona Papajorgji në detyrën e Kryetarit të Gjykatës Kushtetuese“, thuhet në njoftimin zyrtar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.